2022-жылдын февралында Федерациянын президенти болуп шайланган. Кыргыз Республикасынын жана Улуттук Олимпиада комитетинин жогорку спорттук сыйлыгы – Алтын ордендин ээси.

Менин көп жылдык илимий-изилдөө жана ишкердик ишмердүүлүгүм Азиянын эң чоң тоо кыркалары: Ала-Тоо (Тянь-Шань), Памир, Кохи-Сафед, Гиндукуш жана Түндүк Американын Кордильералары менен тыгыз байланыштуу. Мунун баары альпинизм жана тоо лыжа жаатында спорттук ышкыбоздуктун пайда болушуна негиз салган. Менин спорттук кызыгуум Американын, Европанын, Африканын, Кавказдын, Борбордук Азиянын, Тибеттин жана Гималайдын эң бийик чокуларына чыгууга жеткирди.

“Snow Leopard”, “7 Summits”, “Q14” (Дүйнөнүн 14 сегиз миңдиктин баарына чыккан Жер таажысы) сыяктуу альпинизм боюнча эл аралык глобалдык программалардын мүчөсү болуу менен мен Федерацияда тоо спортунун бардык түрлөрүн өнүктүрүү үчүн зарыл болгон чоң альпинисттик жана башкаруучулук тажрыйбага ээ болдум.

Дүйнөнүн эбегейсиз бийик чокулары Эверест жана Манаслуну ийгиликтүү багындыруу, андан кийинки коомчулуктун кеңири көңүл буруусу биздин альпинизмди Кыргызстанда гана эмес, бүткүл дүйнөгө таанытуу процесстеринин башталышына негиз болду.

Федерациянын жетекчиси катары мен өзүмө альпинизмди өнүктүрүүгө гана эмес, заманбап спорттук инфраструктураны, жаңы секцияларды түзүүгө, тоодо жана олимпиадалык спорт түрлөрүндө экологияны сактоого, аскага чыгууга багытталган стратегиялык артыкчылыктарды аныктап, алдыга максат кылып койдум.

Мен бул иштер Кыргызстанды тоо ишмердүүлүгүнүн жана туризмдин бардык түрлөрү боюнча дүйнөгө кызыктыруучу өлкө катары таанытууга чоң салым кошот деп ишенем.

Сергей Селиверстов жашоосун тоолорсуз элестете албайт, анын жетишкендиктери мунун ачык далили болуп саналат: «Снежный Барс», «Зимний Снежный Барс», «RedFoxAsia» командасынын капитаны, жети миңдикти 25 жолу багындырган, анын ичинде 5 кышкы, 2 кислородсуз Гималайдагы сегиз миңдикке чыккан. Кыйынчылык категориясындагы 3Вдан 6Ага чейинки 13 жолу биринчи көтөрүлүү, анын ичинде лидер катары альпинизм боюнча дүйнөлүк кубоктун жеңүүчүсү, альпинизм боюнча эл аралык класстагы спорт чебери, 2-категориядагы инструктор, IFMGA сертификаты бар тоо гиди, куткаруучу. 5А жана андан жогору кыйынчылык категориясындагы маршруттар боюнча 80ден ашык жолу көтөрүлгөн.

Тоого жана экстремалдык спортко болгон кызыгуум мектептеги «Жаш туристтер» ийриминде окуп жүргөн кезимде эле пайда болгон. Классташтар менен тоолорго саякатка чыгып, туризм, спорттук ориентирлөө боюнча мелдештерге катышып, Кыргызстандын тарыхый эстеликтери менен таанышканбыз.
Мектеп туризми акырындап альпинизмге жана спорттук аскага чыгууга айланды.

Аскага чыгуу менин жашоомдун маңызы болуп калды. Мен 1991-жылдан бери машыктыруучумун. Мен спортчуларды түздөн-түз даярдоо менен гана чектелбестен, Кыргызстанда аскага чыгууну өнүктүрүү - аскага чыгуу боюнча ар кандай документтерди иштеп чыгуу, аскага чыгуучу дубалдарды куруу, мелдештерди уюштуруу жана өткөрүү, машыктыруучулар жана калыстар үчүн семинарларды өткөрүү менен алектенем.

Бош убактымда сүрөт тартам, лыжа, коньки тебем.
Аскага чыгуу боюнча СССРдин спорт чеберине талапкер, Кыргызстандын аскага чыгуу боюнча улук машыктыруучусу.

Ата-энемдин айтуусу боюнча, кичине кезимден эле тынчым жок, тентек болгон экем, айланадагы бардык үйлөрдүн чатырларына чыгып, жер төлөөлөргө түшүп, бала бакчадан бир нече жолу үйгө качып, бир орунда көпкө отура алчу эмес экенмин. 19 жашымда М. Б. Гальцованын жетекчилиги астындагы аскага чыгуу секциясына келдим.

Алгач тоого чыкканда мен кемпингдин романтикасын күткөн элем, бирок анын ордуна күнүнө 35 кг рюкзакты жонго көтөрүп алып, 20 чакырым басууга туура келди. Бирок, ошого карабастан мен Тянь-Шандын асман тиреген тоолорун карап суктандым. Түштүк Эңилчектин базалык лагерине жетип, алгач Жеңиш жана Хан-Теңири чокуларын көрдүм. Бул чокулардан түшүп келе жаткан альпинисттер согуш талаасынан чарчап кайткандай көрүнсө да, көздөрүнөн кубаныч жаркырап турду. Кечинде алардын аңгемелерин, алган таасирлерин угуп, альпинизмдин рухуна, ырахатына ого бетер азгырылдым.

Спорттук наамдары: аскага чыгуу жана альпинизм боюнча спорт чеберлигине таалапкер, “Снежный Барс”, альпинизм боюнча 2020-жылдагы Дүйнө Кубогунун чемпиону, 2016-жылы альпинизм боюнча Дүйнө Чемпионатында 5-орун, IFMGA Эл аралык тоо гиди, альпинизм боюнча 3-категориядагы инструктор, кыйынчылыктын 4-6-категориясындагы 60тан ашык чыгуу, 4 биринчи жолку чыгуу, 8000 м бийиктикке 1 жолу кислородсуз чыгуу.

Тоолуу жерде төрөлүп, кичине кезден тоонун сулуулугун, улуулугун билип чоңойгон. Мекенине болгон сүйүүсү жана бизнестеги жетишкендиктери менен айыл жаштарына жакшы таанылып, таланттуу балдарды каржылап, аларга мотиватор болуп келет.

25 жылдык тажрыйбасы бар таланттуу бизнесмен, өлкөдөгү эң алдыңкы технологиялык курулуш компаниялардын бири Integra компаниясынын жетекчиси катары бай тажрыйбасы Федерациянын долбоорлорун ийгиликтүү өнүктүрүүгө жардам берүүдө.

Кыргызстандагы маанилүү коомдук маселелерди өзүнүн оригиналдуу стилинде чагылдырган эң ири, көрүнүктүү медиа инсан. Анын маалымат берүүдө адаттан тыш ыкмасы жана тоолорго болгон сүйүүсү Федерациянын максаттарына жетүүгө чоң жардам берүүдө. Ошондой эле, анын «Манас» аэропортунун президенти, КТРК жана Megacom компанияларынын директору катары тажрыйбалары процесстерди пайдалуу жол менен түзүүгө жардам берет.

Памирдин, Ала-Тоонун, Тянь-Шандын, Гималайдын алты, жети жана сегиз миңдик бийиктиктерин багындырган.

Таланттуу машыктыруучу, «Снежный Барс», альпинизм боюнча 1-разряддагы гид, KMGAнын аспиранты, альпинизм боюнча инструктор. Ал 1998-жылы тоолорго кызыгып, тоо туристинен баштап, бүгүнкү күндө чын жүрөгү, каалоосу менен альпинисттердин жаңы муунун тарбиялап келүүдө.

Спорт ведомствосу жана өлкөнүн башка федерациялары менен өз ара аракеттенүүдөгү негизги фигура. Анын тажрыйбасы жана альпинизм коомчулугуна активдүү катышуусу баа жеткис жана Федерациянын институционалдык эс тутуму болуп саналат.

Федерациянын кеңешчиси – юридикалык камсыздоо, бухгалтердик эсеп, эл аралык федерациялар менен байланыш, Эл аралык олимпиада комитети, мамлекеттик органдар менен байланышуу жаатында иш алып барат.